“The Kokborok Kokreke is one of the most popular in earlier times of indigenous people of Tripura. They conversate with Kokborok Kokreke reke"
- Semani haping takwlaini masing, tongtwi chatwi no khaching-khaching.
- Raja gangwla bwlai patwla, thapa kobong kaimale bakase kwswng thaio.
- Tata Tayung bo buphango baya, mwkhwra Sakho hungya.
- Dudu gamari rwsami hwnkhe, khitarwi rohorwi bo achugo.
- Harung duksini chogwi naibo kenjua bwtwi manya.
- Yapha som chama gwnang hwnkhe bidesho tongwibo ani, yapha som chama kwrwi hwnkhe thongor o tongwibo buini.
- Kwthang tongkhese rongo tomosa, thwi khele toksa masa.
- Twi kwrwi huk ta chadi, jati kwrwi nok ta tangdi.
- Harung haa kwchak mairum rang gwnang, angsi songnani kwrwng.
- Ail tolani gunthu, angno nini wngthu.
- Gurjon hulwi bo hor mwchwng mano, kwnwi phan baksa hwnkhe.
- Mai ni jora bo khul wngya, khul ni jora bo mai wngya.
- Tokni bising bo tok bwsa-bwsa rangchak monaya kaisa, Rangni bising bo rang bwsa-bwsa siki adulwi kaisa.
- Harung duksini twi rangsi-rangsi nwngbai tei tamo tongsi.
- Ashin bai kartik mai sari-sari, mayada sari langsi.
- Nukya khe nukya nukya babisa, nukya ni khano juda.
- Nugui tongtwtwi tongwi manlia, mayasi joli sio.
- Sainda tamwi bo hik khoroksa mano, sainda ba mwtai yade ? Sumor tamwi bo hik khoroksa mano, sumor ba mwtai yade ?
- Rangchak hwnwi bo rangni bumung si, monai nungwi bo tokni bumungsi. Twma mung lobwi nungnai o monaya?
- Kwnwi ri kangsa nwngbai wngyakhe, yak ni damwra kotok o suri, changni rikutu khe phasi.
- Laiphang murwi bo hor mwchwng mano, kwnwi chwng kha thansa hwngkhe.
- Taknai kaitor si tagwi rohorlia, sabono ba tei swraina tongsi.
- Sal ni saibo tei kuchuk kwrwi, Phunugwi kwlangkha nono.
- Chwkhwi ni saibo tei milip kwrwi o ha sakao, dud ni saibo tei kuphur kwrwi o swngsar o.
- Ha ni saibo tei hilik kwrwi rwui kwlangkha ha ni bwsa rokno.